domingo, 21 de agosto de 2011

domingo, 31 de julio de 2011

Ofelia Rey Castelao: premio María Josefa Wonenburger 2011

O ámbito das Humanidades e, especialmente, o da Historia recibiu unha magnífica nova a semana pasada ao coñecerse que o premio María Josefa Wonenburger 2011 foi concedido á Dra. Ofelia Rey Castelao, catedrática de Historia Moderna da Universidade de Santiago de Compostela.

Dende aquí queremos felicitala por esta merecidísima distinción xa que, ademais de ser galardoada unha dilatada carreira investigadora de primeiro nivel, prémiase o seu traballo en prol da investigación e a divulgación da historia de xénero. Unha historia que reivindica o papel das mulleres como suxeitos da Historia, apostando pola necesidade de incorporalas, como obxecto de estudo, ao quefacer historiográfico xeral.

Noraboa!

--
Miguel García-Fernández

miércoles, 27 de julio de 2011

Recoñecemento Horas de Formación do Profesorado

A Consellería de Educación e Ordenación Universitaria da Xunta de Galicia finalmente recoñeceu 12 Horas de Formación do Profesorado aos asistentes ao I Encontro Interdisciplinar de Historia de Xénero. As mulleres na Historia de Galicia http://www.edu.xunta.es/web/node/2868

Segundo nos comunican, este recoñecemento, que estará dispoñible a partir de SETEMBRO, só será efectivo para o persoal funcionario que xa aprobou as oposicións e está traballando.

Atentamente,

Tríada


domingo, 24 de julio de 2011

A necesidade dunha Academia alternativa para Galicia

Inmersos en pleno século XXI, parece que a Real Academia Galega (RAG) decidiu continuar coa liña das academias decimonónicas para seguir sendo un selecto clube de señores respetables. Nin as voces de hoxe en día, nin a experiencia e as palabras dunha autoridade como dona Emilia Pardo Bazán (http://www.culturagalega.org/album/docs/38_doc_02.pdf), parecen ter efecto entre o grupo de socios (homes), que convidan aos seus amigos (homes) para formar parte dunha institución que, sendo de homes, di querer representar a tódolos/as galegos/as (ou galego-falantes). Para min, algo non concorda.

É certo que, entre as cadeiras dos socios numerarios (e quixera remarcar o masculino), aparecen algúns nomes femininos (http://www.realacademiagalega.org/academy/FindComposition.do), pero son a excepción. Quen me pode explicar o motivo de tal sub-representación? 

Acaso non hai mulleres galegas con méritos suficientes?

Non é esta a pregunta que quixera formular... mellor a seguinte:

Acaso non hai mulleres galegas que merezan tanto ou máis unha cadeira que algún dos homes que está aí?

Dende logo, non creo que este tema se resolva procurando a paridade entre homes e mulleres. Non se trata de pedir que o 50 % das cadeiras sexan para homes e o 50 % para mulleres. Non! Iso sería unha maquillaxe absurda do "politicamente correcto".

Entendo que as Academias son selectos clubes nos que ingresan persoas que aportan algo ao obxectivo último co que se crea esa institución, polo tanto, é o criterio individual o que deberiamos seguir e ter en conta. Daquela, non hai mulleres con méritos suficientes para entrar na Real Academia Galega? Non hai mulleres que contribuíran a consolidar o galego como lingua? Acaso non temos escritoras? Non hai investigadoras que publican en galego e imparten as súas conferencias na nosa lingua? Quedándome na casa... xa entre as convidadas ao "I Encontro Interdisciplinar de Historia de Xénero. As mulleres na Historia de Galicia" podería citar algún caso.

Vendo todo isto, parece que o galego é un mundo de homes. E despois eses Académicos din que o galego é a súa lingua materna? Incluso eles mesmos terán o atrevemento de dicirnos a todos e todas que leamos en galego, que escribamos na nosa lingua, que é o noso patrimonio cultural, un patrimonio de todos/as... bla, bla, bla... "Real Atrevemento Galego", non si? De novo, teño a sensación de que algo non vai ben...

Solucións?

De momento o silencio. Silencios que me parecen de extrema gravidade cando proveñen desas Institucións democráticas que din que nos queren representar a tódolos/as galegos/as.

Só algunhas voces femininas parecen ser firmes na súa protesta e... non é hora de xuntar as voces masculinas a este discurso de reivindicación? A falta de representatividade ou visibilización social é un problema de todos/as, de homes e de mulleres...

Que nos queda ante o silencio dos demais?

Calar?

Pactar uns mínimos?

Unha Academia Galega Alternativa?

Talvez o que temos que facer é crear outras academias diferentes e verdadeiramente representativas (con mulleres e con homes nas súas cadeiras). Ao mellor así, a RAG verá cal pode ser o modelo a seguir... Crear Academias sobre a nosa lingua, sobre a nosa historia, sobre o que queiramos... pero que procuren ver a homes e a mulleres como persoas por igual.

Eu proporía unha Academia Galega de Estudos das Mulleres, unha institución na que tanto mulleres coma homes poderiamos estudar o papel das mulleres e das relacións de xénero no noso pasado e no noso presente nos máis diversos campos. Porque as mulleres e os homes convivimos, coexistimos, dialogamos... en definitiva, formamos parte da mesma sociedade.

Miguel García-Fernández

miércoles, 29 de junio de 2011

O Xogo das Cadeiras

Pregunta parlamentaria do BNG para promover a presenza equilibrada de mulleres na RAG

O vindeiro xoves 30 de xuño de 2011 a parlamentaria Ana Pontón, do BNG, preguntaralle á Secretaría Xeral de Igualdade cales son as actuacións previstas para promover unha presenza equilibrada de mulleres na composición da Real Academia Galega.

A pregunta pódese seguir en directo por Parlamento TV a partir das 10:30.
http://www.parlamentodegalicia.es

Pódese ler o texto íntegro da pregunta parlamentaria, así seguir as opinións publicadas nos medios de comunicación nas últimas semanas no blog O xogo das cadeiras:
http://xogodascadeiras.blogaliza.org/

SE CHE INTERESA ESTA INFORMACIÓN, ESPÁLLAA. PONA NO TEU BLOG, NO TEU FACEBOOK, NO TWITTER... OU REENVÍAO Á TÚA LISTA DE CORREO

-- 
O xogo das cadeiras
Manifesto pola entrada das mulleres na Academia Galega
ADHÍRETE!

domingo, 26 de junio de 2011

Palabras da Asociación Española de Investigación de Historia de las Mujeres

Con relación ao Diccionario Biográfico de la Real Academia de la Historia, a Asociación Española de Investigación de Historia de las Mujeres publicou hai uns días unhas palabras na súa web que me parecen de grande interese para reflexionar sobre o moito que queda por facer en relación á historia das mulleres e a súa integración no conxunto do quefacer historiográfico. Xulguen vostedes mesm@s:

"La AEIHM no puede, ni quiere mantenerse al margen del debate que ha ocasionado la publicación de los 25 primeros tomos del Diccionario Biográfico de la Real Academia de la Historia, obra largamente esperada y que aspira a convertirse en referencia para futuras generaciones de historiadores/as y para el público en general.


Sin entrar en otras consideraciones que ya han sido tratadas y discutidas ampliamente en otros foros y por otras personas, en el ámbito de nuestra competencia como Asociación de investigación de historia de las mujeres tenemos que poner de manifiesto nuestra preocupación respecto al grado de presencia de mujeres entre las personas biografiadas, y muy especialmente en relación con los criterios para su selección.

La AEIHM ya manifestó en carta dirigida en diciembre de 2008 al Director de la RAH su inquietud por este asunto, así como por su disconformidad con los argumentos del Doctor Anes en declaraciones a ABC: “Nuestra labor es dar fe del pasado y las mujeres han formado una parte mínima de la historia. Desde la Academia no podemos modificarla” (ABC, Sevilla, 3-12-2008). Señalábamos entonces el volumen y la calidad de los estudios sobre la Historia de las Mujeres y del Género que se producen en las universidades españolas, así como la forma en que la renovación de la biografía histórica ha asentado la idea de que la historia no ha sido protagonizada tan solo por una reducida nómina de “hombres ilustres” e incluso de “mujeres ilustres”, sino por personas de muy variada condición, cuyas vidas merecen ser reconocidas de forma individualizada siempre que las fuentes lo permitan. 
Esta carta fue respondida por el Director de la RAH, explicando el proceso seguido y manifestando su conocimiento del tema, al citar los nombres de numerosas y prestigiosas historiadoras que trabajan, entre otros, en el campo de la historia de las mujeres. Por esto nos han resultado particularmente ofensivas sus declaraciones publicadas en diversos periódicos tratando de explicar la reducida presencia de las mujeres en la RAH, que dice lamentar, con el argumento de que “las hay muy preparadas, pero menos que los hombres. Hay una cuestión: un historiador necesita disponer de muchas horas para documentarse en los archivos. Y por desgracia en las mujeres esas miles de horas están dedicadas a criar a sus hijos y a ser amas de casa” (Diario El País, 4-6-2011). Estas palabras traicionan el más elemental deber de quien es profesional de la Historia: reconocer la evidencia por encima de lugares comunes o juicios previos. En este caso, la evidencia la constituyen los centenares de profesoras e investigadoras que vienen desarrollando su actividad y acreditando sus méritos en la investigación y la docencia de la Historia y que por ello son perfectamente merecedoras de ese y otros reconocimientos.

Por todo ello, aunque ya han pasado bastantes días, seguimos esperando del Doctor Anes una rectificación de sus palabras.

17 de junio de 2011

La Junta Directiva de la AEIHM

http://www.google.aeihm.org/articulo/proposito-del-diccionario-biografico-real-academia-historia 

lunes, 6 de junio de 2011

Manifesto pola entrada das mulleres na Academia Galega. ADHÍRETE!

O xogo das cadeiras non é cousa das mulleres

A Real Academia Galega vén de escoller un novo académico malia o resón social que tivo a esixencia de cubriren as vacantes actuais con mulleres, e que se pode seguir no blog do manifesto “O xogo das cadeiras”.

Se coa simbólica concesión da cadeira de Olga Gallego a un investigador a institución puña en evidencia o seu desinterese por incorporalas, con esta elección mostra de maneira aberta o seu rexeitamento. Non o pode dicir máis clariño: no seu xogo das cadeiras non quere que entren as mulleres. A Academia afástase canto máis mellor do que se espera das máximas institucións da cultura galega para que manteñan a súa autoridade conforme aos tempos: que sexan corporacións vivas, dinámicas, comprometidas, integradoras da diversidade.

A incorporación de mulleres non é un problema senón unha oportunidade para gañar autoridade, para mostrar vontade de diálogo con estes tempos. Mais cando as cadeiras serven de poltrona, aníñase no confort do recoñecemento e iso precisamente é o que converte a Academia en dondo panteón de ilustres. Agora, cando a cultura e a lingua galega precisan institucións afoutas, que conten co máximo apoio social para afrontaren os importantes retos nos que andan, as mulleres non podían ficar excluídas mais o xogo das cadeiras déixaas fóra, como sempre.

Estamos peor que hai un ano, antes do pasamento da finada Olga Gallego. Cinco eran as mulleres con cadeira hai un ano, e catro son agora. Só podemos agardar que para a que queda vacante, elixan unha muller, mais, como ben explicou María Xosé Agra no seu artigo “Dúas cadeiras, unha Académica máis: ¡impertinencia!”, os números falan. Unha soa muller máis supón cinco académicas de trinta. Nin sequera o 20% da corporación. Por iso denunciamos que a Real Academia Galega segue co seu xogo das cadeiras.

Cadeiras para as mulleres XA!

A campaña de asinaturas do manifesto “O xogo das cadeiras” segue aberta no blog: http://xogodascadeiras.blogaliza.org/

--
Miguel García-Fernández

viernes, 6 de mayo de 2011

Reconversión do blogue

Despois destes meses dedicado ao "I Encontro Interdisciplinar de Historia de Xénero. As mulleres na Historia de Galicia", o blogue comezará pronto unha nova etapa. Recuperando o seu sentido orixinario, "As mulleres na Historia" procurará converterse nun espazo para dar a coñecer o papel das mulleres na Historia. Xunto aos contido meramente expositivos, tamén buscaremos incitar á reflexión e ao diálogo.

Espero que pronto me acompañen neste camiño de reconstrución da xenealoxía feminina, unha xenealoxía que non só lles pertence ás mulleres, senón tamén aos homes.

Un saúdo

Miguel García-Fernández

jueves, 28 de abril de 2011

Crédito de Libre Configuración

Dende o Comité Organizador queremos informar de que o Crédito de Libre Configuración estará dispoñible a partir de mañá ou da semana que vén nas correspondentes Unidades de Xestión Académicas.

Un cordial saúdo

P. S. Para evitar calquera problema á hora de convalidar o Crédito recomendámoslles que avisen do código da actividade 2011/10 ou do título "I Encontro Interdisciplinar de Hª de Xénero". Puxeron Hª abreviado o que pode xerarlles algún problema á hora de buscar o nome da actividade no ordenador, de todos modos xa comprobamos que o Crédito SI está dispoñible dende o venres 29 de abril.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua


lunes, 11 de abril de 2011

Envío de resumos ou comentarios para a concesión do Crédito de Libre

Dende o Comité Organizador do"I Encontro Interdisciplinar de Historia de Xénero. As mulleres na Historia de Galicia" dirixímonos a tódolos asistentes  que solicitaron crédito de Libre configuración para comunicarlles que:

-é preciso ter un mínimo de asistencias.

-necesitamos que os resumos ou comentarios sexan enviados ao correo xornadastriada@gmail.com antes do mércores, 20 de abril do 2011 (inclusive). Ampliamos o prazo para facilitar o envío xa que unha vez que entreguemos a acta, esta será pechada e non se poderán facer cambios.

-pídese unha extensión de entre 2 a 5 páxinas, así como seriedade e unha mínima calidade no contido e na forma  do texto para a concesión do Apto.

Moitas grazas pola vosa asistencia. Esperamos que fosen unhas fructíferas xornadas para todas/os.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

viernes, 8 de abril de 2011

Agradecementos

En nome do Comité Organizador do "I Encontro Interdisciplinar de Historia de Xénero. As mulleres na Historia de Galicia" e do meu propio (Miguel García-Fernández), redacto estas escasas liñas cun obxectivo ben simple: darvos as grazas a todas (maioría indiscutible) e a todos (minoría que espero que vaia in crescendo) as/os que asististes e apoiastes esta iniciativa.

Antes de nada, pido desculpas polos posibles erros que puidemos cometer na organización das xornadas. Espero que as/os relatores, as/os comunicantes e as/os asistentes sexan benévolas/os connosco e saiban perdoar as faltas. Os nervios non son os mellores compañeiros para comezar novas empresas así que, talvez, as intencións poidan servir de atenuante...

Non é cuestión de reiterar os agradecementos pronunciados na sesión de clausura, pero si quixera insistir na importancia do apoio xa non só institucional, senón tamén -e sobre todo- das persoas (con nomes propios). Grazas. Os vosos nomes figuran nos trípticos... Grazas á vosa desinteresada colaboración e, especialmente, grazas ás vosas palabras de alento, sentímonos profundamente felices e satisfeitos.

Pero non só a eses dirixo o meu agradecemento, tamén llo envío ás nosas familias e aos que asistiron porque o tema lles interesa de verdade. Con estes últimos comparto un camiño que aínda estou comezando a percorrer pero polo que espero transitar durante moito tempo, pensando con seguridade que, ao final do camiño, as rosas vermellas poderán florecer para ledicia da Nai Terra. 

Mil grazas por mimar a esta primeira filla que foi concebida o 15 de abril do 2010. Dende o berce sorrí e, agora, tres días despois de ver as primeiras raiolas do sol, só desexa que a acompañedes mentres crece.

GRAZAS

jueves, 7 de abril de 2011

Resumos ou comentarios para a obtención do crédito de Libre configuración

Ademais do mínimo de horas precisas para a concesión do Crédito de Libre Configuración, os asistentes ao "I Encontro Interdisciplinar de Historia de Xénero. As mulleres na Historia de Galicia" deberán enviar ao correo electrónico xornadastriada@gmail.com un resumo ou comentario sobre algunha das sesións -ou varias delas- antes do próximo venres, 15 de abril do 2011.
A extensión dos traballos deberá ser de 2 a 5 páxinas.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

lunes, 4 de abril de 2011

Prazas completas

Dende o Comité Organizador lamentamos informar que por problemas de espazo non podemos aceptar matriculacións de última hora. As prazas dispoñibles no Salón de Actos da Facultade de Filosofía están cubertas, polo que nos resulta imposible ampliar prazos de matrícula. 

Desculpen as molestias e reciban un moi cordial saúdo.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

miércoles, 30 de marzo de 2011

Nota Informativa

Para axilizar o proceso de entrega da documentación e control de firmas pídese a tódal@s asistentes que procuren ir chegando uns 15 minutos antes da hora prevista para o inicio das sesións.

Moitas grazas a tod@s pola colaboración.

No programa incorporado no blogue poderán consultarse os eventuais cambios nos horarios.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

lunes, 28 de marzo de 2011

Pilar Cagiao Vila

O venres 8 de abril a Dra. Pilar Cagiao Vila presentará ante os asistentes ao "I Encontro Interdisciplinar de Historia de Xénero. As mulleres na Historia de Galicia" o relatorio "De viúvas de vivos a protagonistas das migracións: as mulleres galegas en América".

PILAR CAGIAO VILA é Profesora Titular de Historia de América na USC e, actualmente, directora do Centro Interdisciplinario de Estudios Americanistas “Gumersindo Busto” desa Universidade. Entre as liñas de investigación que desenvolve destacan as relativas ós movementos migratorios e ás relacións culturais entre España e América. É autora de libros como Muller e Emigración (1997) ou Os galegos de Ultramar: de emigrados a inmigrantes (2007); co-autora con M. L. Pazos de Os Galegos e o mundo colonial americano (2007) e, con X. M. Núñez Seixas, de Galicia e o Río da Prata (2007). Ademais, coordinou distintas publicacións sobre temática migratoria como Galegos en América, “americanos” en Galicia, as colectividades inmigrantes en América e a súa impronta na sociedade galega (séculos XIX e XX) (1999), O Exilio Galego (2006, co-ed. con X. M. Núñez Seixas), De raíz profunda: Galicia y lo gallego en Cuba (2007, co-ed. con Sergio Guerra); así como outras relacionadas coa historia cultural latinoamericana: Cien Años de la Biblioteca América (2004); Aproximación al americanismo entre 1892 y 2004 (2006, co-ed. con E. Rey Tristán); De ida y vuelta. América y España: los caminos de la cultura (2007, co-ed. con E. Rey Tristán). Na súa actividade docente, iniciada en 1986, dirixiu varios traballos de investigación e teses doutorais e, como profesora invitada, impartiu cursos nas Universidades Portucalense de Porto, París VII, e varias latinoamericanas. Foi directora do Arquivo da Emigración Galega do Consello da Cultura Galega, a cuxa comisión técnica continúa pertencendo, e é co-editora da revista Estudios Migratorios (CCG-USC).

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

Isaura Varela González

A Dra. Isaura Varela González presentará no "I Encontro Interdisciplinar de Historia de Xénero. As mulleres na historia de Galicia" o relatorio titulado "Vicio clandestino e mulleres marcadas. A prostitución feminina no século XIX e principios do XX".

ISAURA VARELA GONZÁLEZ é licenciada con grao en Filosofía e Letras, sección Historia (1977), pola Universidade de Santiago de Compostela. Acada o grao de Doutora por esta mesma Universidade dez anos despois e pasa a desempeñar diferentes cargos no Departamento de Historia Contemporánea: Axudante de clases prácticas (1977-1985), Profesora Colaboradora (1985-87), Titular Interina (1987-89) e, finalmente, Profesora Titular. Foi coordinadora da Área de Historia Contemporánea (1990-92) e ten participado en diversos proxectos de investigación, entre os que destaca o Proxecto Historga, do que é directora dende 1987. Así mesmo, ten participado en diversas reunións científicas e coordinado algunhas, ademais de ser a presidenta do Seminario de Fuentes Orales da Universidade Complutense (2000-01). Entre as súas publicacións sobresaen: La Universidad de Santiago (1900-1936). Reforma universitaria y conflicto estudiantil (1989), “Aproximación al estudio de la población universitaria de Santiago. Siglo XVIII” (Las universidades españolas e hispanoamericanas durante la Edad Moderna. Claustros y Estudiantes, 1989), “A incorporación da muller e os inicios do asociacionismo estudiantil na Universidade (1890-1936)” (Gallaecia Fulget [1495-1995], 1995), “Las estampas obscenas de la Rúa del Villar (1828-1833)” (A Patria Enteira, 2008) ou “Casas de mancebía y meretrices callejeras: un espacio clandestino en Santiago durante el s.XIX” (Sémata, 2009).

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

Juan M. Monterroso Montero

O Dr. Juan Monterroso Montero presentará o xoves 7 de abril o relatorio "Cando un ai! é un argumento e unha bágoa, unha demostración... catro séculos de calada presenza a través da arte galega".

JUAN M. MONTERROSO MONTERO é Profesor Titular de Historia da Arte na Facultade de Xeografía e Historia da Universidade de Santiago de Compostela. Ata o 2002 foi Profesor Titular de Conservación do Patrimonio, Historia da Arte e Deseño na Universidade de A Coruña. Na actualidade é o Decano da Facultade de Xeografía e Historia, onde foi director do Departamento de Historia da Arte entre 2003-2008 e, dende 2003, coordina o grupo de investigación Iacobus (GI-1907). A súa labor docente e investigadora vinculouno especialmente con todo o relativo á arte galega durante a Idade Moderna e ó Patrimonio Cultural. Ten publicado diferentes artigos e monografías sobre a conservación do patrimonio, a actividade pictórica en conxuntos monásticos e catedralicios, a iconografía mariana, o Camiño de Santiago e a catedral compostelana, a literatura emblemática e a súa repercusión na cultura moderna, a teoría, protección e xestión do patrimonio cultural, e a historia da moda e o deseño industrial. Así mesmo, impartiu cursos e conferencias en diversas universidades e centros de investigación de España, Portugal, México, Arxentina, Brasil, Francia e Polonia. Ten participado como profesor invitado en cursos de posgrao e máster. Tamén foi o responsable de diversas exposicións que tiñan como tema central a cidade ou o Camiño de Santiago e a arte galega: Gallaecia Fvlget; Galicia Renace; Todos con Santiago. Patrimonio eclesiástico; Compostela: Autorretrato; Europa fue Camino; Santiago desde la Memoria; Alfonso Costa. A Vertixe na Mirada; Accións Estratéxicas da Diputación Provincial de A Coruña; Goya-Dalí; ou Santiago, punto de encuentro.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

Blanca Verdía Barbará

A Dra. Blanca Verdía Barbará presentará o relatorio "A incorporación das mulleres victorianas ao mundo académico: o exemplo de Jane Ellen Harrison" no "I Encontro Interdisciplinar de Historia de Xénero. As mulleres na Historia de Galicia", mostrándonos como a historia das mulleres e do xénero realizada dende Galicia tamén mira cara o exterior.
.
Blanca Verdía Barbará é licenciada en Historia (coas especialidades de Arqueoloxía, Prehistoria e Historia Antiga) pola Universidade de Santiago de Compostela no ano 2004. Obtivo o Diploma de Estudos Avanzados no 2006, trala realización do Traballo de Investigación Tutelado “La antropología victoriana y el estudio de la religión griega antigua: Jane Ellen Harrison”, e recentemente, no 2010, o título de Doutora, trala presentación da súa tese “La antropología victoriana y el estudio de la religión griega”. Aínda que vinculada ao Departamento de Historia I da Universidade de Santiago de Compostela, en calidade de persoal docente e investigador en formación durante os Cursos Académicos 2007/08 e 2008/09, tamén realizou unha estancia de investigación na Facultade de Clásicas da Universidade de Oxford durante o 2008. Entre as súas publicacións, cabe destacar o artigo “Jane Ellen Harrison: una mujer en el mundo académico victoriano”.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

Mudanzas de última hora

A Dra. María del Carmen Rodríguez González non poderá asistir ao "I Encontro Interdisciplinar de Historia de Xénero. As mulleres na Historia de Galicia" por motivos persoais. Daquela, a mañá do xoves 7 de abril quedará reestruturada como se indica a continuación:

9:30: "A imaxe da muller na arte baixomedieval galega". Marta Cendón Fernández

10:30: "A Historia das Mulleres dende o IEGPS: proxectos e resultados. O caso das mulleres xudías medievais". María Gloria de Antonio Rubio.

11:30 - 12:00: Descanso

12: 00: Comunicacións

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

miércoles, 23 de marzo de 2011

Inauguración do I Encontro Interdisciplinar de Historia de Xénero. As mulleres na Historia de Galicia

A inauguración do I Encontro Interdisciplinar de Historia de Xénero. As mulleres na historia de Galicia, que se celebrará os próximos días 6, 7 e 8 de abril en Santiago de Compostela no Salón de Actos da Facultade de Filosofía (Praza de Mazarelos), contará coa presenza da Secretaria da Facultade de Xeografía e Historia da USC dona María Pilar Rodríguez Álvarez, a Secretaria Xeral de Igualdade da Xunta de Galicia dona Marta González Vázquez -doutora en historia medieval e autora de obras como Las mujeres de la Edad Media y el Camino de Santiago (1989)-, a coordinadora da Oficina de Igualdade de Xénero da Universidade de Santiago de Compostela dona Trinidad de Miguel Bouzas e, en representación do Comité Organizador, dona Silvia Cernadas Martínez e don Miguel García-Fernández.

O comité científico do Encontro está conformado polos profesores Francisco Ramón Durán Villa, Profesor Titular da Universidade de Santiago de Compostela (USC) e Vicerreitor de Estudantes e Formación Continua, Domingo Luis González Lopo, Profesor Contratado Doutor da USC, Rocío Sánchez Ameijeiras, Profesora Titular da USC, Isaura Varela González, Profesora Titular da USC e Manuel Villanueva Acuña, Profesor Titular da USC.

Dende o comité organizador animámolos a compartir connosco estas xornadas.

Aurora Ballesteros Fernández, Silvia Cernadas Martínez e Miguel García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

viernes, 18 de marzo de 2011

María del Carmen Rodríguez González

A profesora Mª del Carmen Rodríguez González presentará o xoves 7 de abril no "I Encontro Interdisciplinar de Historia de Xénero. As mulleres na Historia de Galicia" o relatorio "O papel das mulleres nas familias aristocráticas: un estado da cuestión".

Mª Carmen Rodríguez González é Catedrática de Escola Universitaria e Profesora Titular da USC na área de Historia Medieval. Ten participado en varios proxectos de investigación internacionais e interuniversitarios financiados pola DGICYT dende 1991 ata a actualidade. A súa investigación céntrase nos seguintes campos: señoríos monásticos, a ocupación e organización social do espazo na Idade media, antroponimia e sociedade, articulación e consolidación dos poderes feudais. Entre as súas publicacións cabe destacar: Economía y poder en el Bierzo del siglo XV. San Andrés de Espinareda (Santiago, 1992); “El papel de la aristocracia en las fundaciones y restauraciones monásticas en el Bierzo del siglo X” en Rudesindus. O legado do santo (Santiago, 2007); “El papel de los monasterios gallegos en la organización social del espacio berciano: San Julián de Samos (siglos IX a XIV)”, en Galicia monástica. Homenaje a Mª José Portela (Santiago, 2009); así como varios artigos escritos en colaboración con M. Durany, entre eles “Vilela, una aldea del Bierzo en la Edad Media (siglos X al XIII)”, en Paysages et Societés. Mélanges Geographiques en honneur du prof. Abel Bouhier (Poitiers, 1990) ou “Galicia desde o Bierzo. Proxección e diferencias na ocupación e organización do territorio” en Galicia fai dous mil anos. O feito diferencial galego (Santiago, 1997). Sobre o tema destas xornadas: “El papel de la mujer en la familia campesina berciana”, en Simposio Internacional Muller e Cultura (Santiago, 1993); “Concubina o esposa. Reflexiones sobre la unión de Jimena Muñiz con Alfonso VI”, en Studia Historica. Historia Medieval (Salamanca, 2007)

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

lunes, 14 de marzo de 2011

Inscrición no I Encontro Interdisciplinar de Historia de Xénero. As mulleres na Historia de Galicia

Procedemento para matricularse no I Encontro Interdisciplinar de Historia de Xénero. As Mulleres na Historia de Galicia (6, 7 e 8 de abril do 2011, Salón de Actos da Facultade de Filosofía, Praza de Mazarelos).

O custe da inscrición será de 10 €, que deberán ser ingresados antes do 30 de marzo no número de conta 0049 2584 90 2214002210 (Banco Santander). É fundamental que se poña como "Concepto": I Encontro Interdisciplinar de Historia de Xénero e os seus datos persoais (apelidos, nome e DNI.)

Posteriormente deberán remitir un correo electrónico a xornadastriada@gmail.com indicando os seus apelidos, nome, DNI, licenciatura que estuda (imprescindible para a xestión do crédito) ou traballo que desempeña, se solicitan Crédito de Libre Configuración ou Horas de Formación do Profesorado -en proceso de tramitación- ou se simplemente desexan un certificado de asistencia. Acompañando a estes datos deberán remitir nun arquivo adxunto unha copia do resguardo do ingreso para confirmar a súa inscrición. En canto o recibamos, enviaráselles confirmación da inscrición.

O proceso de selección será por rigorosa orde de inscrición até cubrir as prazas.

No caso daqueles que soliciten o crédito de LC (30 horas) deberán asistir ao 75 % das sesións e, ao finalizar o encontro, presentar aos membros da organización un resumo das comunicacións dalgunha das sesións.

Para máis información non dubiden en contactar connosco en xornadastriada@gmail.com.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración das

Vicerreitoría de Responsabilidade Social e Calidade

Vicerreitoría de Estudantes e Formación Continua

viernes, 18 de febrero de 2011

Programa do I Encontro Interdisciplinar de Historia de Xénero

Dámos a coñecer o programa íntegro do "I Encontro Interdisciplinar de Historia de Xénero. As mulleres na historia de Galicia" que se celebrará os vindeiros días 6, 7 e 8 de abril no Salón de Actos da Facultade de Filosofía (Praza de Mazarelos).
.

MÉRCORES, 6 DE ABRIL DO 2011

09:00 Entrega da documentación. 

09:15 Presentación do Encontro.

ENTRE HISTORIOGRAFÍA E ANTROPOLOXÍA

10:00h José Carlos Bermejo Barrera (Catedrático do Departamento de Historia I da USC): "De mulieribus fabula narratur. Pensar e escribir sobre a Historia das Mulleres". 

11:00h Blanca Verdía Barbará (Doutora en Historia pola USC): “A incorporación das mulleres victorianas ao mundo académico: o exemplo de Jane Ellen Harrison".

12:00h DESCANSO

12:30h María del Mar Llinares García (Profesora Titular do Departamento de Historia I da USC): “Mulleres na Prehistoria, entre realidade e mito”.

13:30h COMUNICACIÓNS.

 “Histéricas e meigas: un estudo da muller galega na Historia”. Alma López Vale (Licenciada en Filosofía pola USC).

  “A situación xurídico-política da muller en Galicia”. Rosa Mª Ricoy Casas (Profesora Asociada no Departamento de Socioloxía, Ciencia Política e da Administración e Filosofía na Universidade de Vigo). 

  “O papel da muller na Historia da Arte: Mulleres e Arte en Galicia no século XX. Perspectivas desde o ámbito educativo”. Mª Rocío Figueroa Guisande (Profesora de Educación Secundaria, especialidades de Xeografía e Historia).

HISTORIA ANTIGA

16:15h Ana María Suárez Piñeiro (Profesora Contratada Doutora no Departamento de Historia I da USC): “A muller galaico-romana na Historia de Galicia”.

17:15h Fátima Díez Platas (Profesora Contratada Doutora no Departamento de Historia da Arte da USC): “Retratos de grupo: a representación dos grupos femininos na cerámica grega”. Relatorio lido polo Profesor Titular do Departamento de Historia I da USC, Pedro M. López Barja de Quiroga.

18:15h DESCANSO

 18:45h Eva Castro Caridad (Catedrática do Departamento de Latín e Grego da USC e Vicerreitora de Estudos de Grao e Posgrao): “Literatura latina feminina”. 

19:45h COMUNICACIÓNS.

  “Na procura da feminidade burguesa: a visión romántica da muller nos retratos de Dionisio Fierros”. Diego Rodríguez Paz (Departamento de Historia da Arte, USC).

  “Mulleres e Historia de Galicia na lírica de Luís Seoane”. José Ángel García López (Profesor Contratado Doutor no Departamento de Filoloxía Catalá da Universidade de Alacant).

  “Católicas, apostólicas e activistas. A mobilización católica feminina en Galicia na década dos anos 30”. Julio Prada Rodríguez e Ana Cebreiros Iglesias (Departamento de Historia, Arte e Xeografía, Universidade de Vigo).

  “Maternidade social e feminismo católico. Asociacionismo feminino confesional na provincia da Coruña durante o primeiro terzo do século XX”. Ana Estévez Lavandeira (Museo do Pobo Galego).

.

XOVES, 7 DE ABRIL.

HISTORIA MEDIEVAL

09:30h Marta Cendón Fernández (Profesora Titular do Departamento de Historia da Arte da USC): “A imaxe da muller na arte baixomedieval galega”.

10.30h María Gloria de Antonio Rubio (CSIC-Xunta de Galicia): “A Historia das Mulleres dende o IEGPS: proxectos e resultados. O caso das mulleres xudías medievais”. 

11.30h DESCANSO

12:00 COMUNICACIÓNS.

O protagonismo das raíñas Urraca e Teresa na construción política da banda fronteiriza do Miño”. Suso Vila (Historiador e escritor).

A relixiosidade feminina na Galicia medieval: As Donas Toquinegras e a súa relevancia histórico-social (ss XI-XV)”. Teresa Moure Pena (Profesora no IES Chan do Monte de Marín). Comunicación lida por Miguel García-Fernández.

Georgiana Goddard King, pioneira da historia da arte medieval galega”. Ana Hernández Ferreirós (Bolseira de Doutoramento no Departamento de Historia da Arte da USC).

Unha muller para a Historia: María Vinyals, marquesa de Ayerbe”. Silvia Cernadas Martínez (Bolseira de colaboración no Departamento de Historia Medieval e Moderna da USC).

"O traballo das mulleres voluntarias no Laboratorio de Farmacia Militar de Santiago de Compostela (1936-1939)". Beatriz Brasa Arias (Licenciada en Farmacia. Doutoranda en Historia da Farmacia, Contratada María Barbeito).

.

16:15h Pilar Lorenzo Gradín (Catedrática do Departamento de Filoloxía Galega da USC): “Mulleres e trobadorismo”.

HISTORIA MODERNA

17:15h Juan Monterroso Montero (Profesor Titular do Departamento de Historia da Arte da USC e Decano da Facultade de Xeografía e Historia): "Cando un ai! é un argumento e unha bágoa unha demostración... Catro séculos de calada presenza a través da arte galega".

18:15h DESCANSO

18:45h Ofelia Rey Castelao (Catedrática do Departamento de Historia Medieval e Moderna da USC): “As mulleres na Galicia moderna: o que sabemos e o que non sabemos delas".

19:45h COMUNICACIÓNS.

  “Pecados e escándalos femininos. Imaxe e representación feminina nos sínodos diocesanos galegos e nas visitas pastorais de Época Moderna”. Ana Mª Sixto Barcia (Bolseira de Investigación no Departamento de Historia Medieval e Moderna da USC).

  “Mulleres da Terra e do Estado de Lemos na modernidade”. Rosa Mª Guntiñas Rodríguez (Profesora no IES Francisco Daviña Rey de Monforte).

  “Emilia Pardo Bazán, escritora e pioneira”. Xulia Santiso (Conservadora da Casa-Museo Emilia Pardo Bazán).

  “As que quedaron na casa. Mulleres soas na Galicia rural de posguerra (1939-1959)". Domingo Luis González Lopo (Profesor Contratado Doutor no Departamento de Historia Medieval e Moderna da USC).


VENRES, 8 DE ABRIL

HISTORIA CONTEMPORÁNEA

09:15h Isaura Varela González (Profesora Titular do Departamento de Historia Contemporánea e de América da USC): “Vicio clandestino e mulleres marcadas. A prostitución feminina no século XIX e principios do XX”.

10:15h María Jesús Souto Blanco (Profesora Contratada Doutora no Departamento de Historia Contemporánea e de América da USC): “Polo que fixeron e polo que eran. A represión directa e a represión transitiva contra as mulleres na guerra civil”.

11:15h DESCANSO.

11:45h Pilar Cagiao Vila (Profesora Titular do Departamento de Historia Contemporánea e de América da USC): “De viúvas de vivos a protagonistas das migracións: as mulleres galegas en América”.

12:45h Luisa Muñoz Abeledo (Profesora Contratada Doutora no Departamento de Historia Contemporánea e de América da USC): “A actividade laboral das mulleres na Galicia contemporánea”.


16:15h Raquel Vázquez Ramil (Doutora en Historia pola USC): “As mulleres galegas e a Institución Libre de Enseñanza: de Concepción Arenal ás universitarias da Residencia de Señoritas”. 

17:15h María Xosé Agra Romero (Catedrática do Departamento de Lóxica e Filosofía Moral da USC): "Señores da terra e donas de seu: un achegamento ao feminismo galego”. 

18:15h DESCANSO

18:45h Guillermina Domínguez Touriño (Profesora no IES San Clemente de Santiago): “O ensino da Historia desde a perspectiva de xénero no currículo da ESO e do Bacharelato”.

19:45h COMUNICACIÓNS.

  “Grandes mulleres da Historia visitan as aulas galegas”. Delio García Represas e Mª Virginia Calviño Baltar (Profesores no IES Ribeira do Louro en Porriño).

  “A construción da identidade de xénero e os medios de comunicación”. Carola García Calderón (Profesora da Facultade de Ciencias Políticas e Sociais da Universidade Nacional Autónoma de México).

  “Pioneiras galegas no xornalismo: a incorporación das mulleres ás redaccións dos xornais entre 1930 e 1975”. Olga Osorio Iglesias (Profesora Asociada no Departamento de Humanidades da Universidade da Coruña). 

 20:15h Clausura do Encontro.
.
O Comité Organizador:
.
A. Ballesteros Fernández, S. Cernadas Martínez e M. García-Fernández
.
Coa colaboración das:
.
Vicerreitoría de Responsabilidade Social e Calidade
Vicerreitoría de Estudantes e Formación Continua


martes, 8 de febrero de 2011

Luisa Muñoz Abeledo

A Dra. Luisa Muñoz Abeledo presentará no "I Encontro Interdisciplinar de Historia de Xénero. As mulleres na historia de Galicia" o relatorio "A actividade laboral das mulleres na Galicia contemporánea”.

LUISA MUÑOZ ABELEDO é Doutora en Historia Económica pola Universidade Autónoma de Barcelona e profesora no Departamento de Historia Contemporánea e de América da Universidade de Santiago de Compostela. Foi investigadora visitante en varias universidades foráneas (British Columbia University-Canadá, Center for the History of Business, Technology and Society-Estados Unidos, Universidade de Porto-Portugal). As súas principais liñas de investigación son a historia do traballo e da empresa dende una perspectiva de xénero e os niveis de vida en industrias marítimas. Entre as súas publicacións máis destacadas atópanse Género, trabajo y niveles de vida en la industria conservera de Galicia, 1870-1970 (2010); “Políticas patronales y sindicales en el sector de conservas de pescado, 1880-1936” en Género y políticas del trabajo en la España contemporánea : 1836-1936 (2007); Políticas laborales y género: Estado, empresarios, gremios y sindicatos frente al trabajo de las mujeres en España (2007); “Labour segmentation in the Spanish fish-canning industry. A historical perspective, 1880-1960”, Continuity and Change (2006); “Labour Market in the Spanish Fish-Canning Industry, 1880-1977: Labour Contracts and Work Organization”, International Journal of Maritime History (2005); e “Living Standards in Spanish Canning and Fishing Families during the Interwar Period”, Production and Consumption in the North Atlantic Fisheries (2005). Ademais, recibiu o I Premio da USC á Introdución da Perspectiva de Xénero na Investigación por “Muller, traballo e niveis de benestar na costa de Galicia. Unha ollada ao século XX” (2010).

O Comité Organizador:

A. Ballesteros Fernández, S. Cernadas Martínez, M. García-Fernández

Coa colaboración da

Vicerreitoría de Responsabilidade Social e Calidade

lunes, 31 de enero de 2011

Raquel Vázquez Ramil

A Dra. Raquel Vázquez Ramil presentará o relatorio "As mulleres galegas e a Institución Libre de Enseñanza: de Concepción Arenal ás universitarias da Residencia de Señoritas" no "I Encontro Interdisciplinar de Historia de Xénero. As mulleres na Historia de Galicia" (6, 7 e 8 de abril do 2011, Salón de actos da Facultade de filosofía).

RAQUEL VÁZQUEZ RAMIL (A Coruña, 1960). En 1983 licenciouse en Xeografía e Historia, coa especialidade en Historia Contemporánea, na Universidade de Santiago de Compostela, con Premio Extraordinario. A súa tese doutoral, sobre La Institución Libre de Enseñanza y la educación de la mujer en España: la Residencia de Señoritas (1915-1936), tamén foi merecedora do Premio extraordinario en 1989 e publicada no 2001. Obtivo bolsas de investigación da Fundación Ortega y Gasset (1984-86) e do Instituto da Muller de Madrid (1988), ademais de ter participado en diversos congresos e xornadas. As súas principais liñas de investigación son a historia da cultura dos séculos XIX e XX, a historia das mulleres e a historia da educación da muller. Así mesmo, é membro da Asociación Colexial de Escritores e Tradutores de España (ACETT), pois é tradutora autónoma de inglés-español, con máis de setenta libros traducidos e publicados de literatura xuvenil, de adultos e de Ciencias Sociais. 

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración da

Vicerreitoría de Responsabilidade Social e Calidade

lunes, 24 de enero de 2011

Concesión do Crédito de Libre Configuración

A 11 de xaneiro do 2011, a Reitoría da Universidade de Santiago de Compostela recoñeceu a concesión de 1 crédito de libre configuración ás alumnas e alumnos da USC que asistan ao "I Encontro Interdisciplinar de Historia de Xénero. As mulleres na Historia de Galicia", que se celebrará os días 6, 7 e 8 de abril do 2011 no salón de actos da Facultade de Filosofía.

O crédito está recoñecido para as alumnas e alumnos que cursen estudos conducentes ás Licencituras, Enxeñarías, Diplomaturas, Enxeñarías Técnicas e Mestres da USC. Estes deberán asistir a un 75% das conferencias e presentar á organización (xornadastriada@gmail.com) un resumo ou comentario crítico sobre algunha das sesións ás que acudiu.

Dende o Comité Organizador tamén queremos avisar de que, probablemente, as horas de formación do profesorado non sexan recoñecidas para esta actividade.

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración da

Vicerreitoría de Responsabilidade Social e Calidade

lunes, 17 de enero de 2011

José Carlos Bermejo Barrera

O Dr. José Carlos Bermejo Barrera asistirá ao I Encontro Interdisciplinar de Historia de Xénero. As mulleres na Historia de Galicia co relatorio "De mulieribus fabula narratur. Pensar e escribir sobre a Historia das Mulleres".

JOSÉ CARLOS BERMEJO BARRERA é catedrático de Historia Antiga na USC. Investigador de recoñecido prestixio, ten desenvolvido a súa investigación en dous grandes campos: as mitoloxías e as relixións antigas, e a historiografía e a teoría da Historia. Dentro do primeiro, figuran, ademais de numerosos artigos, os seguintes libros: Introducción a la sociología del mito griego (Madrid, 1979), Mitología y mitos de la Hispania prerromana I e II (Madrid, 1982 e 1986, respectivamente); El mito griego y sus interpretaciones (Madrid, 1988), Los orígenes de la mitología griega (Madrid, 1986), en colaboración con S. Reboreda Morillo e J. González García; Lecturas del mito griego (Madrid, 2002), en colaboración con F. Díez Platas; O valor da Arqueoloxía (Santiago de Compostela, 2006) xunto con M. Llinares García, e Sociedade e relixión na Galicia antiga (Santiago de Compostela, 2009). Entre as súas publicacións adicadas á teoría da Historia cabe destacar Psicoanálisis del conocimiento histórico (Madrid, 1983), El final de la Historia (Madrid, 1986); Replanteamiento de la Historia (Madrid, 1989), Fundamentación lógica de la Historia. Introducción a la Historia Teórica (Madrid, 1991); Entre Historia y Filosofía (Madrid, 1994) e Genealogía de la Historia. Ensayos de Historia Teórica III (Madrid, 1999), en colaboración con P. Piedras Monroy. En relación estreita coa temática deste Encontro, dirixiu a tese doutoral de Eulalia Simal Iglesias, William Alexander and the origins of feminist historiography (USC, 2005).

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración da:

Vicerreitoría de Responsabilidade Social e Calidade



martes, 11 de enero de 2011

Ana Mª Suárez Piñeiro

A Dra. Ana Mª Suárez Piñeiro participará no I Encontro Interdisciplinar de Historia de Xénero. As mulleres na Historia de Galicia co relatorio A muller galaico-romana na Historia de Galicia.

ANA SUÁREZ PIÑEIRO (Santiago de Compostela, 1968) é licenciada en Xeografía e Historia na USC (1991) e doutora pola mesma universidade (1996), na especialidade de Historia Antiga. Realizou diversas estadías de investigación no estranxeiro, na Escuela Española de Historia y Arqueología do CSIC en Roma e no University College London. Tras ser investigadora do CSIC (Programa I3P: 1999-2005) incorporouse á USC como investigadora Parga Pondal (2005-2010) no Instituto de Estudos e Desenvolvemento de Galicia (IDEGA) e no Departamento de Historia I. Dende novembro do 2010 é Profesora Contratada Doutora na Área de Historia Antiga da USC. As súas investigacións seguen tres liñas de traballo fundamentais: a historia política da tardía República romana, a Galicia romana e o patrimonio galaico-romano. Os seus estudos viron a luz en diversas monografías, artigos científicos e publicacións de divulgación, entre os que cabe destacar os seguintes: Os romanos en Galicia (2001), En campaña electoral por la Roma de Cicerón. La política romana a finales de la República (2003), La crisis de la República romana: la alternativa política de los populares (2004), Os primeiros anticuarios de Galicia. A historia antiga de Galicia ata o ano 1800 (2005), A vida cotiá na Galicia romana (2006) e A romanización en Galicia (2009).

O Comité Organizador:

A. Ballesteros Fernández, S. Cernadas Martínez e M. García-Fernández

Coa colaboración da:

Vicerreitoría de Responsabilidade Social e Calidade